top of page

جب سائنَس کی تکلیف زیادہ ہو جائے تو کیا ہوتا ہے؟

Writer: Dr. Koralla Raja Meghanadh
Dr. Koralla Raja Meghanadh
Nov 5
5 min read

سائنس انفیکشن، جس کو سائنسائٹس بھی بولتے، یہ ایک ایسی تکلیف ہے جو زندگی میں کبھی نہ کبھی بہت سارے لوگوں کو ہوتی ہے۔ زیادہ تر کیسز میں یہ اپنے آپ ٹھیک ہو جاتی ہے، لیکن کچھ کیسز میں علاج کی ضرورت پڑتی ہے۔ علاج کے بعد اکثر یہ بغیر کوئی لمبے وقت کی تکلیف چھوڑے ٹھیک ہو جاتی ہے۔ لیکن چند کیسز میں، اگر علاج نہ کروایا جائے یا ادھورا علاج کیا جائے تو انفیکشن بڑھ جاتا ہے اور تکلیف صرف بے آرامی تک محدود نہیں رہتی۔ بلکہ اس سے صحت پر اثر ڈالنے والی سنگین پیچیدگیاں بھی ہو سکتی ہیں۔

جب سائنَس کی تکلیف زیادہ ہو جائے تو کیا ہوتا ہے؟

آئیے جانتے ہیں کہ جب سائنَس کا انفیکشن بڑھ جاتا ہے تو اصل میں کیا ہوتا ہے، اس سے کون کون سی پیچیدگیاں ہو سکتی ہیں اور اس سے بچاؤ کیسے کیا جا سکتا ہے۔

 

سائنسائٹس کیا ہے؟

سائنسائٹس کا مطلب ہے سائنسز کی دیواروں میں سوجن یا ورم آ جانا۔


سائنسز کھوپڑی میں ناک اور آنکھوں کے آس پاس موجود ہوا سے بھرے چھوٹے چھوٹے خالی خانے ہوتے ہیں۔


لیکن جب میوکوسا (سائنسز کے اندر کی تہہ) عام نزلہ یا الرجی جیسی وجوہات کی وجہ سے سوج جاتی ہے، تو سائنسز بند ہو سکتے ہیں۔ ایک دفعہ سائنسز بند ہو گئے تو ان کے اندر رطوبت جمع ہونے لگتی ہے۔ اس سے بیکٹیریا یا فنگس کو بڑھنے کے لیے ایک بہترین ماحول مل جاتا ہے۔ اس کے نتیجے میں انفیکشن اور سوجن ہو جاتی ہے، جس کی وجہ سے ناک بہنا، ناک بند ہونا، چہرے میں درد، سر درد اور ناک سے رطوبت نکلنے جیسی علامات ظاہر ہوتی ہیں۔

 

جب سائنَس کے مسئلے زیادہ بڑھ جاتے ہیں

زیادہ تر سائنَس کے انفیکشن ہلکے رہتے ہیں اور اکثر بغیر کسی خاص علاج کے یا سادے علاج سے خود ہی ٹھیک ہو جاتے ہیں۔ لیکن کبھی کبھار حالت زیادہ سنگین بھی ہو سکتی ہے۔ سائنَسائٹس کا علاج نہ کرانے پر یا جسم کی قوتِ مدافعت کمزور ہونے پر، یہ مسئلہ بڑھ کر سنگین پیچیدگیاں پیدا کر سکتا ہے۔

 

جب سائنَس زیادہ بگڑ جاتا ہے تو کیا ہوتا ہے؟

سائنَس، دماغ، آنکھوں اور کان جیسے ضروری اعضا کے بہت قریب ہوتے ہیں۔ اسی نزدیکی کی وجہ سے، اگر سائنَس کا انفیکشن زیادہ بگڑ جائے تو وہ آس پاس کے حصّوں تک پھیل کر سنگین صحت کے مسائل پیدا کر سکتا ہے۔ اس کی وجہ سے ہونے والی کچھ ممکنہ پیچیدگیاں یہ ہیں:

اوربیٹل سیلولائٹس اور اوربیٹل ایبسس (آنکھ کا انفیکشن)

جب سائنَس انفیکشن آنکھ تک پھیل جاتا ہے، تو اس سے اوربیٹل سیلولائٹس ہو سکتا ہے، یعنی آنکھ کے آس پاس کے ٹشوز میں انفیکشن۔ اگر اس کا علاج نہ کیا جائے تو یہ آگے بڑھ کر اوربیٹل ایبسس بن سکتا ہے، یعنی ایک مخصوص جگہ پر پیپ جمع ہو جانا۔

  • اس تکلیف میں ہونے والا درد عام پین کلرز لینے سے بھی کم نہیں ہوتا۔

  • ایبسس کی وجہ سے آنکھ کی حرکت محدود ہو جاتی ہے۔

  • ایبسس کا دباؤ آپٹک نرو تک خون کی سپلائی کم کر سکتا ہے، جس سے علاج نہ ہونے کی صورت میں نظر جانے کا خطرہ ہو سکتا ہے۔


اوٹائٹس میڈیا (درمیانی کان کا انفیکشن)

ایوسٹیشین ٹیوب مڈل ایئر کو ناک کے پچھلے حصے سے جوڑتی ہے۔ کرونک سائنوسائٹس میں انفیکٹڈ فلوئڈ ناک کے پچھلے حصے یعنی ناسوفرینکس میں ڈرین ہوتا ہے۔ اس دوران یہ فلوئڈ اس ٹیوب کے ذریعے مڈل ایئر میں جا سکتا ہے۔ اس کے نتیجے میں اوٹائٹس میڈیا، جسے مڈل ایئر انفیکشن بھی کہتے ہیں، ہو سکتا ہے۔ اس سے یہ تکالیف ہو سکتی ہیں:

  • کان میں درد

  • کان سے فلوئڈ نکلنا

  • کان بند ہونا

  • ہلکی سماعت کی کمی


لارنجائٹس

سائنَس میں موجود انفیکٹڈ فلوئڈز لیرنکس (وائس باکس) کو بھی اِریٹیٹ کر سکتے، جس کی وجہ سے لارنجائٹس ہو سکتا ہے۔ اس کی علامات میں شامل ہیں:

  • آواز میں بھاری پن

  • خشک کھانسی

  • آواز میں تبدیلی

  • گلے میں درد


برونکائٹس اور نمونیا

اگر سائنَس سے انفیکشن والا بلغم پھیپھڑوں تک پہنچ جائے تو برونکائٹس یا نمونیا ہو سکیتا ہے۔ اس سے یہ تکالیف ہو سکتی ہیں:

  • لگاتار سوکھی کھانسی

  • دمے کے دورے

  • سانس لیتے وقت سیٹی جیسی آواز آنا یا شور کے ساتھ سانس چلنا


میننجائٹس اور اینسیفلائٹس (دماغ میں انفیکشن)

کبھی کبھار لیکن سنگین صورت میں، سائنس انفیکشن دماغ تک پھیل سکتا ہے:

  • اگر انفیکشن دماغ کو ڈھانپنے والی حفاظتی جھلی تک پہنچ جائے تو اسے میننجائٹس کہتے ہیں۔

  • اگر انفیکشن خود دماغ کے ٹشو میں پھیل جائے تو اینسیفلائٹس ہو جاتا ہے۔

دونوں حالتیں جان لیوا ہو سکتی ہیں اور فوراً میڈیکل علاج کروانا ضروری ہے۔


فنگل سائنوسائٹس

کبھی کبھار، علاج نہ ہونے پر یا زیادہ شدید ہونے پر سائنَس کا انفیکشن بڑھ کر فنگل سائنوسائٹس بن سکتا ہے، جو کافی زیادہ خطرناک ہوتا ہے۔ آس پاس کے حصّوں کو تیزی سے نقصان پہنچنے سے بچانے کے لیے اس کی جلد تشخیص اور علاج بہت ضروری ہے۔


سائنوسائٹس بایوفلمز

کافی عرصے تک سائنوسائٹس کو نظر انداز کرنے سے سائنَسز کے اندر بایوفلمز بن سکتے ہیں۔ بایوفلمز کو بیکٹیریا کے شہروں کی طرح سمجھو، جہاں الگ الگ قسم کے بیکٹیریا ایک ساتھ جمع ہو کر رہتے ہیں اور اپنے بچاؤ کے لیے ایک حفاظتی تہہ بنا لیتے ہیں۔ یہ تہہ بیکٹیریا کو اینٹی بایوٹکس کے اثر سے بچاتی ہے، جس کی وجہ سے ان کا علاج کرنا کافی مشکل ہو جاتا ہے۔

 

سائنَس انفیکشن کو بڑھنے سے کیسے روکیں؟

اچھی بات یہ ہے کہ اگر زیادہ تر سائنَس انفیکشن کا شروع میں ہی علاج کر لیا جائے تو وہ اتنے زیادہ خطرناک اسٹیج تک نہیں پہنچتے۔ صحیح احتیاطی قدم اٹھا کر آپ سائنَس کے مسئلوں کو قابو میں رکھ سکتے ہیں اور پیچیدگیوں سے بچ سکتے ہیں۔ اس کے لیے یہ طریقے اپنائیں:

  • نزلہ زکام کا وقت پر علاج کریں – عام نزلہ زکام کا جلدی اور صحیح طریقے سے علاج کرنے سے، اس کے سائنَسائٹس میں بدلنے کے چانس کم ہو جاتے ہیں۔ ناک کھولنے والے سادہ ڈراپس ڈالنے کے بعد بھاپ لینے سے سائنَس انفیکشن شروع ہونے سے روکا جا سکتا ہے۔

  • علامتوں کو نظر انداز مت کریں – اگر سائنَس میں درد، دباؤ یا ناک بند ہونے کی تکلیف توقع سے زیادہ دن تک رہتی ہے تو خود سے ٹھیک ہونے کا انتظار کرنے کے بجائے ڈاکٹر سے رجوع کریں۔ یاد رکھیں، نزلہ زکام عام طور پر وائرس کی وجہ سے ہوتا ہے۔ لیکن اگر نزلہ 5 دن سے زیادہ رہے تو فوراً ڈاکٹر کو دکھانا ضروری ہے، کیونکہ زیادہ امکان ہے کہ وہ بیکٹیریل انفیکشن یا سائنَسائٹس میں بدل گیا ہو۔

  • ڈاکٹر کے بتائے ہوئے علاج پر عمل کریں – ڈاکٹر نے جو دوائیاں اور علاج بتایا ہے، اسے صحیح طریقے سے جاری رکھیں۔ علاج بیچ میں چھوڑ دینے یا دوائی کی خوراک چھوڑنے سے انفیکشن اور بڑھ سکتا ہے۔

  • خطرناک گھریلو ٹوٹکوں سے بچیں – بغیر ڈاکٹر کے مشورے کے کوئی بھی دوائی لینا یا بغیر ثبوت والے گھریلو ٹوٹکے آزمانا فائدے کے بجائے نقصان پہنچا سکتا ہے۔

  • اپنی قوتِ مدافعت بڑھائیں – متوازن غذا کھانے، مناسب مقدار میں پانی پینے اور پوری نیند لینے سے جسم کو انفیکشن سے لڑنے کی طاقت ملتی ہے۔

  • اپنی الرجی کو قابو میں رکھیں – اپنی الرجی کا علاج کروائیں اور ڈاکٹر کی بتائی ہوئی دوائیاں استعمال کریں۔ الرجی کی دوائیاں کافی محفوظ ہوتی ہیں۔ ان دوائیوں کے استعمال سے نہ صرف سائنَس انفیکشن سے بچنے میں مدد ملتی ہے، بلکہ کان، گلے، آواز کی نالی اور پھیپھڑوں کے انفیکشن سے بھی بچاؤ ہو سکتا ہے۔


احتیاط کرتے ہوئے اور وقت پر صحیح قدم اٹھا کر آپ سائنَس انفیکشن سے بچ سکتے ہیں یا کم از کم ہلکے سائنَس انفیکشن کو ایک سنگین صحت کے مسئلے میں بدلنے سے روک سکتے ہیں۔

 

خلاصہ

سائنَس کا انفیکشن شروع میں معمولی سا لگ سکتا ہے، لیکن جب یہ زیادہ بڑھ جائے تو اس کے نتائج کافی سنگین ہو سکتے ہیں۔ دماغ میں انفیکشن، بایوفلم ریزسٹنس یا فنگل انفیکشن جیسی پیچیدگیاں اس بات کو ظاہر کرتی ہیں کہ مسلسل رہنے والی سائنَس کی علامات کو نظرانداز نہیں کرنا چاہیے۔ پیچیدگیوں کا انتظار کرنے کے بجائے، جب آپ صحت مند ہوں تب ہی صحیح تشخیص اور وقت پر علاج کے ذریعے سائنَسائٹس سے نجات حاصل کرنا بہتر ہے۔


 
 
 

Comments


  • Facebook
  • Instagram
  • LinkedIn
  • Youtube
SIGN UP AND STAY UPDATED!
Thanks for submitting!

© 2021 - 2022 Anaghasri Technologies and Solutions Pvt. Ltd. All rights reserved.

Medyblog does not provide medical advice, diagnosis, or treatment.

bottom of page